“Taliban” qruplaşması ümid edir ki, ABŞ-da noyabr ayında keçiriləcək prezident seçkilərində Donald Tramp qalib gələcək.

Unikal.org xarici KİV-ə istinadən xəbər verir ki, bu barədə qruplaşmanın rəsmi nümayəndəsi Zabiulla Mücahid “CBS News”a verdiyi müsahibəsində bildirib.

Z. Mücahid Trampın seçkilərdə qalib gələcəyinə və Amerikanın Əfqanıstandakı hərbi varlığını sonlandıracağına ümid edir.

“Trampın koronavirusa yoluxması xəbəri qruplaşma üzvləri arasında narahatlığa səbəb oldu. Onun sağlamlığından narahat idik, amma görünür səhhəti düzəlib”- deyə o, qeyd edib.