Türkiyə Super Liqasında VIII tur davam edir.

Unikal.org xəbər verir ki, turun ikinci günündə 4 oyun keçirilib.

Turnir cədvəlinin ilk yarısında qərarlaşan “Kasımpaşa” və “Antalyaspor”un qarşılaşmasında 4 qol vurulsa da, qalib müəyyənləşməyib. Turnir cədvəlinin ortalarında qonşu olan “Göztəpə” və “Ərzurum BB”nin duelində də heç-heçə qeydə alınıb.

Uğursuz mövsüm keçirən “Trabzonspor” liderlərdən biri olan “Alanyaspor”dan bir xal alıb. Bu matçda hər iki qola alanyalıların futbolçusu Stevan Kaulker imza atıb. O, öncə rəqib, sonra öz qapısına qol vurub. Lakin bu heç-heçə “Alanyaspor”un zirvəni ələ keçirməsi üçün yetərli olub.

Çünki tura lider kimi başlayan “Fənərbaxça” xalsız qalıb. İstanbullular evdə “Konyaspor”a uduzub. 

Qeyd edək ki, turun son görüşləri sabah baş tutacaq.

Türkiyə Super Liqası
VIII tur
7 noyabr
“Kasımpaşa” – “Antalyaspor” – 2:2
Koyta, 8, Hodziç, 65 – Sarı, 72, Sam, 90
“Alanyaspor” – “Trabzonspor” – 1:1
Kaulker, 49 – Kaulker, 59 (avtoqol)
“Ərzurum BB” – “Göztəpə” – 1:1
Novikovas, 67 (pen.) - Ndiaye, 13
“Fənərbaxça” – “Konyaspor” – 0:2
Yevtoviç, 67, Kravets, 77