Türkiyə Super Liqasında VIII turun son oyunları keçirilib.
 
Unikal.org xəbər verir ki, axırıncı pillədə qərarlaşan “Ankaragücü” mövsümün sürpriz komandası olan debütant “Fatih Karagümrük”ü öz meydanında büdrədib.
 
Çempionatda ardıcıl 3 qələbəsi olan “Başakşəhər” son 3 matçda qalibiyyət üzü görməyən “Gənclərbirliyi”ni qəbul edib. Qonaqlar görüşə qolla başlasa da, “Başakşəhər” əzmkar qələbə qazanmağa müvəffəq olub.
 
“Qarabağ”ın Avropa Liqasının qrup mərhələsindəki rəqibi “Sivasspor” doğma arenasında “Qalatasaray”la qarşılaşıb. Rəqibindən üstün oyun nümayiş etdirən İstanbul təmsilçisi aktivinə növbəti 3 xalı yazdırıb.