Soçi şəhərində Rusiya və Türkiyə xarici işlər nazirləri Sergey Lavrov ilə Mövlud Çavuşoğlu arasında görüş başlayıb.
Unikal.org xəbər verir ki, Rusiya – Türkiyə Yüksək Əməkdaşlıq Şurası çərçivəsində birgə strateji planlaşdırma qrupunun 8-ci iclası çərçivəsində keçirilən görüşün gündəliyində ikitərəfli və regional məsələlərin olduğu bildirilib.
Daha əvvəl Rusiya XİN-dən bildiriblər ki, danışıqlar zamanı beynəlxalq təşkilatlar çərçivəsindəki əməkdaşlığın daha səmərəli hala gətirilməsi, habelə Qarabağ məsələsinə dair Rusiya, Azərbaycan, Ermənistan liderlərinin 9 noyabr bəyanatının yerinə yetirilməsi ilə bağlı cari məsələlər müzakirə olunacaq.
***
12:41
Türkiyənin Xarici İşlər naziri Mövlud Çavuşoğlu Rusiyaya səfərə gedib.
Unikal.org bu barədə nazirin tvitter səhifəsinə istinadən məlumat verir. M.Çavuşoğlu artıq Soçidə olduğunu yazıb.
Burada o, Rusiya-Türkiyə Ortak Strateji Planlama Qrupunun 8-ci toplantısına qatılacaq.
