İspaniyanın Səhiyyə naziri Covid-19 peyvəndini rədd edənlərin qeydlərini aparacaqlarını və digər AB üzv ölkələri ilə paylaşacaqlarını bildirib. 

Unikal.org xəbər verir ki, "La Sexta" televiziyasında danışan Salvador İlla peyvəndin məcburi olmayacağını vurğulayıb. 

Nazir İlla, "Təklif olunan, ancaq peyvənddən imtina edən və Avropalı ortaqlarımızla paylaşacağımız insanların qeydlərini aparacağıq. Müalicə olunan və hər hansı bir səbəblə bunu etməkdən imtina edənlər qeyd ediləcək. Virusu məğlub etməyin yolu hamımızı peyvəndlənməkdir, nə qədər çox olsa, o qədər yaxşıdır",- deyə çıxışında bildirib.  

İspaniya epidemiyadan ən çox təsirlənən Avropa ölkələrindən biridir. Ölənlərin sayı 50 mini ötüb.  Keçən həftə AB üzvü ölkələr tərəfindən təsdiqlənmiş Pfizer-BioNTech peyvəndi hazırda ölkədə istehsal olunur.

Belə ki, araşdırmaya görə, peyvənd olunmayacağını söyləyən İspaniya vətəndaşlarının sayı noyabr ayında yüzdə 47-dən yüzdə 28-ə düşüb.