Fransanın cənubundakı limanda katerin partlayışı nəticəsində üç nəfər xəsarət alıb.

Unikal.org "France 3" telekanalına istinadən xəbər verir ki, 10 metr uzunluğa malik kater Yer kommunasında yanacaq doldurandan sonra yola düşən kimi partlayıb. 

İlkin informasiyaya əsasən, mühərrik işə salındıqdan sonra anbardakı yanacaq buxarları partlayıb, lakin hadisənin dəqiq səbəblərini araşdırmaçılar müəyyən edəcəklər.

Hadisə nəticəsində bir qadın ciddi yanıq xəsarətləri alıb. O, ağır vəziyyətdə xəstəxanaya çatdırılıb. Hadisə zamanı, həmçinin 14 yaşlı qız və 50 yaşlı kişi də zərər çəkib.