Daim qadınların yanında olan, onları dəstəkləyən və motivasiya edən Aura markasının dəstəyi ilə yeniyetmə qızlar üçün nəzərdə tutulmuş “Her Improvement” proqramının May və İyun ayları ərzində növbəti dördüncü - “Biznes və proqramlaşdırma təlimləri” mərhələsi sona çatıb. 

"Unikal" xəbər verir ki,“Her Improvement” yeniyetmə qızlarda təşəbbüskarlıq, sahibkarlıq, innovasiya, biznes, startap, netvörkinq mövzularında düşüncə tərzinin aşılanması və biliklərə yiyələnməsi ilə idealarının reallaşması üçün təşkil olunan bir illik inkişaf proqramıdır.

Femtech şirkətinin həyata keçirdiyi layihənin növbəti inkubasiya (mentorinq) mərhələsində iştirakçılar komanda olaraq biznes və proqramlaşdırma üzrə mentorlarla mütəmadi görüşlər edərək suallarını ünvanlayacaq və startaplarının daha bazara uyğun bir formada hazırlanması üçün çalışacaqlar.

Proqramın final mərhələsinin isə avqust ayında reallaşması nəzərdə tutulur. 

Azərbaycanın tualet kağızı və kağız dəsmal bazarında lider olan “Aura” markasının məqsədi Azərbaycanda qadın startap təsisçiləri yetişdirmək və startap-innovasiya ekosistemində qadınların rolunu artırmaqdır. Onu da qeyd edək ki, “Aura” markası gələcəkdə də qadınları ilhamlandırmağa və təhsilinə investisiya etməyə davam edəcəkdir.