"Azərbaycan ilk növbədə qonşu, həmsərhəd ölkələrlə əlaqələrin inkişafına önəm verir".

"Unikal" xəbər verir ki, bunu Xarici İşlər Nazirliyində ilin yekunların dair keçirilən mətbuat konfransında nazir Ceyhun Bayramov deyib.

Nazir xatırladıb ki, 2021-ci ildə imzalanmış Şuşa Bəyannaməsi bu il Azərbaycan və Türkiyə parlamentləri tərəfindən ratifikasiya edilib:

"Bu il ərzində Prezident İlham Əliyevin Türkiyəyə üç səfəri baş tutub. İl ərzində Azərbaycan-Rusiya əməkdaşlığı uğurla davam edib. “Azərbaycan Respublikası ilə Rusiya Federasiyası arasında Müttəfiqlik qarşılıqlı fəaliyyəti haqqında Bəyannamə” imzalanıb. Həmçinin, Prezident İlham Əliyevin Rusiyaya bir rəsmi, bir neçə i.güzar səfəri baş tutub. Ötən ay Rusiya nümayəndə heyəti Azərbaycana səfər edib. Gürcüstanla münasibətlərimiz sabit şəkildə inkişaf edib. Qarşılıqlı olaraq səfərlər həyata keçirilib.  İranla münasibətlərimizin inkişafı ilə bağlı səylər davam etdirilib. 2022-ci il ölkəmizin Mərkəzi Asiya ölkələri ilə münasibətlərində xüsusilə dinamika müşahidə olunub”.