"Bu il Azərbaycan, Ermənistan və Rusiya baş nazirlərinin müavinləri səviyyəsində nəqliyyat-kommunikasiya əlaqələrinin bərpası ilə bağlı danışıqlar keçirilib. Delimitasiya ilə bağlı da, həmçinin üç görüş keçirilib".

"Unikal" xəbər verir ki, bunu xarici işlər naziri Ceyhun Bayramov 2022-ci ilin yekunlarına dair keçirdiyi mətbuat konfransında deyib.

Nazir bildirib ki, əldə olunmuş irəliləyişlər çox azdır: "Bunun da səbəbi Ermənistanın qeyri-konstruktiv mövqeyidir".

Ermənistanın üçtərəfli Bəyanatın bir sıra öhdəliklərini pozduğunu diqqətə çatdıran Ceyhun Bayramov bildirib: “Ermənistan tərəfinin üçtərəfli Bəyanatda yer alan bir sıra öhdəlikləri hələ də yerinə yetirməməsi, qanunsuz erməni silahlı dəstələrinin Azərbaycan ərazilərində qalması, təbii sərvətlərimizin qanunsuz istismarı, üçüncü ölkə vətəndaşlarının qeyri-qanuni yolla Laçın dəhlizindən keçməsi, mina problemi barədə məlumatlar beynəlxalq təşkilatlara çatdırılır”.