Avropa Komissiyası və İsveçin Aİ Şurasına sədrliyi zəlzələdən zərər çəkmiş Türkiyə və Suriya xalqları üçün donor konfransı təşkil edəcək.
"Unikal" xəbər verir ki, bu barədə Avropa İttifaqının saytında məlumat verilib .
Avropa Komissiyasının sədri Ursula fon der Leyen və İsveçin baş naziri Ulf Kristersson bu həftə baş verən dağıdıcı hadisələrdən sonra Türkiyə və Suriya xalqını dəstəkləmək üçün beynəlxalq ictimaiyyətdən vəsait toplamaq üçün türk hakimiyyəti ilə koordinasiyalı donor konfransı keçirmək niyyətində olduqlarını açıqlayıblar.
Tədbirin mart ayında Brüsseldə baş tutacağı bildirilir.
Mətbuat açıqlamasına görə, donor konfransı "donor reaksiyasını əlaqələndirmək və Türkiyə və Suriyanın təsirlənmiş ərazilərində erkən bərpa və yardım səylərini dəstəkləmək üçün resurslar toplamaq" üçün nəzərdə tutulub.
Mesajda sitat gətirilən Avropa Komissiyasının sədri Ursula fon der Leyenin sözlərinə görə, ən çox insanın həyatını xilas etmək üçün Aİ-nin mülki müdafiə mexanizmi dərhal işə salınıb və bu, indiyədək 31 axtarış-xilasetmə qrupu və beş nəfərin göndərilməsinə imkan verib. 23 ölkədən tibbi qruplar təbii fəlakətdən təsirlənmiş ərazilərə yollanıb.
