"Engels" aerodromunda Rusiya təyyarələrinə qarşı terror aktı Ukrayna xüsusi xidmət orqanlarının hazırladığı qruplar tərəfindən həyata keçirilib.

"Unikal" xəbər verir ki, bunu Belarus prezidenti Aleksandr Lukaşenko deyib.  

Onun sözlərinə görə, Belarusun Maçulişçi aerodromunda yerləşən Rusiyanın A-50 VKS hava desantlı erkən xəbərdarlıq və idarəetmə təyyarəsində (AWACS) terror aktının hazırlanmasında Ukrayna xüsusi xidmət orqanları tərəfindən təlim keçmiş rusiyalı iştirak edib. Rusiyanın Ryazan vilayətindəki “Dyagilevo” və Saratov vilayətindəki “Engels” aerodromlarına hücumu digər ukraynalı qruplaşmalar həyata keçirib.

Ötən ilin dekabrın 5-də Rusiya Müdafiə Nazirliyi Rusiyanın “Dyagilevo” və “Engels” hərbi aerodromlarına sovet istehsalı olan reaktiv pilotsuz təyyarələrin hücumu barədə məlumat yayıb. Hava hücumundan müdafiə sistemləri aşağı hündürlükdə uçan pilotsuz təyyarələrin qarşısını alıb. Dağıntılar və partlayışlar nəticəsində 3 rus hərbçisi həlak olub, daha 4-ü xəstəxanaya yerləşdirilib.