İngiltərədə ağır çəkidə boks çempionatının finalında qəribə hadisə baş verib.

Unikal.org xarici mətbuata istinadən xəbər verir ki, David Pris və Kaş Ali arasında keçirilən final görüşü 5-ci raundda dayanıb. Buna səbəb, Kaş Alinin yerə yıxdığı rəqibini qarnından dişləməsi olub.

Hakimin müdaxiləsindən sonra Kaş Ali rəqibinin yanından uzaqlaşdırılıb. 5-ci raunddan sonra Ali döyüşdən diskvalifikasiya edilib və Pris qalib elan olunub.

Əsəblərini cilovlaya bilməyən Ali, Prislə yenidən döyüşmək istəyib. Pris isə cavabında “mənimlə yenidən döyüşmək istəyir, ancaq belə heyvanla bir rinqə çıxa bilmərəm” deyib.