Braziliyalı əfsanəvi futbolçu Pele Fransanın paytaxtı Parisdə xəstəxanaya yerləşdirilib.
Unikal.org "RMC Sport"a istinadən xəbər verir ki, o, PSJ-nin oyunçusu Kilian Mbappe ilə görüşdükdən sonra oteldən xəstəxanaya aparılıb.
78 yaşlı sabiq hücumçunun sağlamlığı ilə bağlı təhlükənin olmadığı və ehtiyat tədbirləri məqsədi ilə xəstəxanaya çatdırıldığı bildirilib.
Qeyd edək ki, Pele Braziliya milli komandası ilə 3 dəfə dünya çempionu olub və FİFA tərəfindən əsrin oyunçusu seçilib.
