“Keşlə”nin baş məşqçisi Tərlan Əhmədovun istefası qəbul olunmayıb.

Unikal.org xəbər verir ki, bu barədə klubdan məlumat verilib. Paytaxt təmsilçisinin rəhbərliyi 48 yaşlı mütəxəssislə yola davam etməyi məqsədəuyğun sayıb. Əhmədov bu gün “ASK Arena”da komandanı məşqə çıxardıb.

Premyer Liqanın 23-cü turunda səfərdə “Sumqayıt”a 1:2 hesabı ilə uduzan “Keşlə” sonuncu – 8-ci pilləyə düşüb. Əhmədov oyundan sonra təşkil edilən mətbuat konfransında uğursuz nəticələr səbəbi ilə postunu tərk etmək istədiyini, bununla bağlı rəhbərliklə görüşəcəyini deyib. (Report)