UEFA Çempionlar Liqasının “Liverpul” və “Tottenhem” klubları arasında keçirilən final görüşünün ən yaxşı oyunçusu məlum olub.

Unikal.org xəbər verir ki, bu, “Liverpul” klubunun müdafiəçisi Virjil van Deykdir. 

Madridin "Vanda Metropolitano" stadionunda baş tutan görüşdə hollandiyalı müdafiəçi komandasını 3 dəfə qoldan xilas edib. Virjil, həmçinin oyun ərzində rəqibin hücumçularından 16 dəfə top almağa nail olub. 

Xatırladaq ki, görüş “Liverpul”un 2:0 hesablı qələbəsi ilə başa çatıb.