İranın mərkəzində yol-nəqliyyat qəzası nəticəsində 3-ü uşaq olmaqla 13 nəfər həlak olub.

Unikal.org  İran mətbuatına istinadən xəbər verir ki, hadisə İsfahan vilayətində Honsar şəhərinin yaxınlığında baş verib. 

Şəhər valisi Mənsur Kamal bildirib ki, qəzaya səbəb mikroavtobusun əyləc sisteminin tutmaması olub. 

Nəticədə maşın yoldan çıxıb. Yaralıları xəstəxanaya yerləşdirmək üçün hadisə yerinə helikopterlər göndərilib.