Ekvador polisi Belçikaya gedən banan partiyasından təxminən 330 milyon dollar dəyərində 8,78 ton kokain müsadirə edib.

"Unikal" xəbər verir ki, "ərzaq qutuları arasında ağımtıl maddə olan düzbucaqlı çantalar tapılıb, çöl sınaqlarından sonra 8,78 ton ağırlığında kokain aşkar edilib". - Ekvador polisinin açıqlamasında deyilir .

Qeyd olunur ki, Ekvador limanında liman polisi, kinoloqlar, kəşfiyyat və narkotiklərlə mübarizə xidmətinin birgə əməliyyatı çərçivəsində Belçikaya gedən şübhəli banan konteyneri müəyyən edilib. Yerli ekspertlərin fikrincə, Avropa bazarında təxminən 330 milyon dollara başa gələn narkotikin 90 milyondan çox dozası orada gizlədilib.

Əvvəllər məlum olub ki, Ekvadorda inşaatçılar beton hazırlamaq üçün qarışıq kimi əzilmiş kokaindən istifadə etməyə başlayıblar .

Ölkə polisinin məlumatına görə, 2021-ci ildə Ekvadorda ələ keçirilən narkotiklərin miqdarı 2020-ci illə müqayisədə təxminən iki dəfə artaraq 210 tondan çox olub. Qadağan olunmuş maddələrin əksəriyyəti kokaindir.