Bu gün səhər saatlarında Ucar rayonunun Alpout kənd sakini T.Tağıyevin tir tüfəngindən açılan atəş nəticəsində xəsarət alması barədə Rayon Polis Şöbəsinə məlumat daxil olub.

Daxili İşlər Nazirliyinin Mətbuat Xidmətinin Şirvan regional qrupundan "Unikal"a verilən məlumata görə, ilkin araşdırma hadisənin rayonunun Məlikballı kənd sakini X.Xəlilzadənin əlində olan tir tüfəngi ilə ehtiyatsız davranması nəticəsində baş verdiyini müəyyən edilib.

Faktla bağlı Ucar RPŞ-də araşdırmalar aparılır.

"Unikal"ın əldə etdiyi məlumata görə, avtomobil ustası olan Tural çayxanada olarkən güllələnib. Tirdən atılan güllə dəmiri keçərək ona dəyib. O, artıq Göyçay rayon xəstəxanasında əməliyyat olunub, vəziyyəti qənaətbəxşdir.