Polşaya məxsus hərbi helikopter Qrodno vilayətinin Berestovitski rayonunda Belarus sərhədini pozub.
“Unikal” xəbər verir ki, bu barədə Belarusun Dövlət Sərhəd Komitəsi məlumat yayıb.
“Sentyabrın 1-də günorta saatlarında Belarus sərhədçiləri Qrodno vilayətinin Berestovitski rayonunda Polşa tərəfdən Belarusun hava məkanının pozulmasını qeydə alıblar. “Polşa hərbi vertolyotu Mi-24 çox aşağı hündürlükdə dövlət sərhədini keçib”, - deyə məlumatda bildirilir.
Qeyd olunub ki, insidentlə bağlı Polşa tərəfi məlumatlandırılıb.
Nuranə Abbasova