Avropa Komissiyası Belçikanın suveren fondu olan SFPIM ilə Brüsselin Avropa bölgəsi adlanan ərazisində 23 ofis binasını 900 milyon avroya satmaq barədə müqavilə imzalayıb. 

"Unikal" xəbər verir ki, bu barədə Avropa Komissiyası məlumat yayıb. 

Razılaşmanın bir hissəsi olaraq, SFPIM Brüssel səlahiyyətliləri ilə razılaşdırılmış şəhərin yaşıllaşdırılması planına uyğun olaraq ofis sahələrini modernləşdirəcək. 

Gələcəkdə bəzi binaların mənzilə çevrilməsi nəzərdə tutulub.

Qeyd olunub ki, Brüsseldə Avropa Komissiyasına məxsus olan və Avropa Məhəlləsi adlanan ərazidə yerləşən binaların satışı onun ofislərini modernləşdirmək və yaşıllaşdırmaq, həmçinin karbon izlərini azaltmaq məqsədi daşıyır.

Ağarza Elçinoğlu