Mingəçevirdə baş verən qəzada ölənlərin sayı artıb.

"Unikal"ın məlumatına görə, “Mercedes Viano” və “VAZ-2107” markalı avtomobillər toqquşması nəticəsində ağır xəsarət alan 2020-ci il təvəllüdlü Həbliyev Adəm Amil oğlunun həkimlər xilas edə bilməyib. Aparılna müalicə tədbirlərinə baxmayaraq o dünyasını dəyişib.

Qeyd edək ki, Adəmin anası Yasəmən Həbliyeva aldığı xəsarətlərdən hadisə yerindəcə ölmüşdü.

Nəticədə qəzada ölənlərin sayı 2-yə çatıb.

Ehtiram Muradov

XXX

09:46

Xəbər verdiyimiz kimi, bu gün gecə saat 01 radələrində Mingəçevir şəhəri ərazisində “Mercedes Viano” və “VAZ-2107” markalı avtomobillər toqquşub.

"Unikal"ın məlumatına görə, nəticədə "Mercedes"in sürücüsü Elgiz İsmayılov, sərnişinləri - 1980-ci il təvəllüdlü Əlzamin Mirzəyev, arvadı 1990-cı il təvəllüdlü Xəyalə Mirzəyeva, 1973-cü il təvəllüdlü  Təyyub Məhərrəmov, 1992-ci il təvəllüdlü Nuranə Mustafayeva, 1983-cü il təvəllüdlü Habil Həbliyev, eləcə də sonuncunun azyaşlı oğlu xəsarət alıb və arvadı, 1989-cu il təvəllüdlü Yasəmən Həbliyeva isə aldığı xəsarətlərdən hadisə yerində ölüb.

DİN-in Mətbuat Xidmətinin Şəki regional qrupundan "Unikal"a bildirilib ki, ölüm və xəsarətlə nəticələnən yol-nəqliyyat hadisəsi ilə bağlı Mingəçevir Şəhər Polis Şöbəsində cinayət işi başlanılıb, araşdırmalar davam etdirilir.

08:42

Mingəçevirdə baş verən ağır qəza zaman 1989-cu il təvəllüdlü Həbliyeva Yasəmən Fəxrəddin qızı dünyasını dəyişib. 

"Unikal" xəbər verir ki, biri azyaşlı olmaqla, 2 qadın və 5 nəfər kişi isə müxtəlif dərəcəli bədən xəsarətləri ilə xəstəxanaya çatdırıllb.

*** 02:12

Mingəçevirdə ağır yol qəzası olub.

"Unikal"ın məlumatına görə, hadisə gecə saat 2 radələrində rayonun Samux küçəsində baş verib.

"Mercedes" Vita markalı mikroavtobus "Vaz" 2107 markalı maşınla toqquşduqdan sonra aşıb. Hadisə zamanı bir qadın yerindəcə ölüb, 7 nəfər yaralı isə xəstəxanaya daşınıb.

Faktla bağlı araşdırma aparılır.

Ehtiram Muradov