Sosial şəbəkələrdə paytaxtın Səbail rayonu ərazisində baş vermiş insidentlə bağlı paylaşılan görüntülər araşdırılıb. 

DİN-in Mətbuat Xidmətinin əməkdaşı Elbrus İbrahimov "Unikal"a açıqlamasında bildirib ki, tərəflər arasında mübahisə taksi sürücüsünün əlavə ödəniş istəməsindən qaynaqlanıb. 

Hər iki şəxs polis əməkdaşları tərəfindən müəyyən olunaraq saxlanılıb və barələrində qanunamüvafiq tədbirlər görülür.

***

10:32

Gecə saatlarında Bakı şəhərində dava baş verib.

"Unikal"ın məlumatına görə, sosial şəbəkələrdə yayılan videolarda 77-AA-019 dövlət qeydiyyat nişanlı avtomobilin sürücüsünün yolu kəsərək ətrafdakı şəxslərlə dava etdiyi iddia edilib.

DİN-in Mətbuat Xidmətinin əməkdaşı İbrahim Əmiraslanlı saytımıza bildirib ki, qeyd edilən görüntülərlə bağlı araşdırma aparılır.

Murad İbrahimli