Misirdə avtomobil qəzasına düşmüş azərbaycanlı ailə (3 nəfər) ilə Misirdəki səfirliyimiz tərəfindən əlaqə saxlanılıb.

"Unikal" xəbər verir ki, bunu Azərbaycan Xarici İşlər Nazirliyinin (XİN) sözçüsü Ayxan Hacızadə bildirib.

Onun sözlərinə görə, həmvətənlərimiz yüngül xəsarətlər alıblar.

*** 08:24

Misirdə turistləri daşıyan avtobus qəzaya uğrayıb.

"Unikal" xarici mediaya istinadən xəbər verir ki, qəza Sinay yarımadasının cənubunda baş verib, 35-dən çox xarici turisti daşıyan avtobus Ras Sidr bölgəsində yolda aşıb.

Xəsarət alan turistlərin əksəriyyəti - 31 nəfər Rusiya və Ukraynadan, daha 3 nəfər isə Azərbaycandandır.

Yaralıların hamısı xəstəxanalara çatdırılıb və onlara tibbi yardım göstərilir.