112 saylı Zaqatala seçki dairəsi üzrə Milli Məclisin deputatı Asif Əsgərov Zaqatala rayon Lahıc kəndində Vətən Müharibəsi Qəhrəmanı, şəhid Səmədov İsmayılın atasının və Əliabad qəsəbəsində şəhid İrapov İsmayılın anası və bacısının səhhətlərində yaranan problemlər ilə əlaqədar şəhid ailələrinə baş çəkib. 

"Unikal" xəbər verir ki, daha sonra Asif Əsgərov növbəti vətəndaş qəbulunu Zaqatala rayon Yeni Suvagil kəndində keçirib. 

Qəbul zamanı vətəndaşları narahat edən bəzi məsələlər müzakirə zamanı yerində həllini tapıb. Bundan başqa olunmuş müraciətlərə əsasən bir sıra aztəminatlı ailələrə ərzaq yardımı edilib. Araşdırılması tələb olunan məsələlərin hərtərəfli öyrənilməsi və qanunvericiliyin tələblərinə uyğun həll edilməsi üçün qəbuldan sonra müvafiq tapşırıqlar verilib. Həmçinin millət vəkilinin səlahiyyətlərinə aid olan məsələlər həlli istiqamətində tədbirlərin görülməsi məqsədilə millət vəkili tərəfindən nəzarətə götürülüb.