"ABŞ-nin yeni seçilmiş prezidenti Donald Trampdan möcüzə gözləmək yox, hər gün işləmək lazımdır". 

"Unikal" xəbər verir ki, bunu Ukrayna Ali Radasında çıxışı zamanı Ukrayna prezidenti Volodimir Zelenski deyib.

O qeyd edib ki, Pokrovsk və Kupyansk aylardır çətin sınaqlardan keçir: "Rusiya bu müharibədə ən böyük itkiləri məhz orada və digər istiqamətlərdə verib. Biz hamımız başa düşməliyik ki, düşmən nəyə görə bu qiyməti ödəyir. Rusiya dövlətimizi, xalqımızı məhv etmək istəyir. Ukraynanın Kupyanskdan Pokrovsk və daha sonra Zaporojyeyə qədər bu müharibədə dayanıqlılığı bu müharibənin ədalətli başa çatması üçün əsas şərtləri təmin edə bilər".

Ukrayna liderinin sözlərinə görə, Avropanın taleyi həm də ukraynalıların dözümlülüyündən asılıdır ki, hamı azad yaşasın, heç bir diktatora tabe olmasın: "Bu döyüş təkcə Pokrovski, Kupyansk və ya bizim başqa şəhər və ya kəndimizlə bağlı deyil, bütün Ukrayna, Avropa, bütün dünyanın nizamı və ya xaosu haqqındadır. Və bütün dünya Trampdan möcüzə gözlədiyi halda, siz də, mən də gözləməməliyik, dözümümüzü itirməməliyik. Biz dövlətin sabitliyi naminə xalq olaraq hər gün çox çalışmalıyıq. Bu döyüşdə fərdi qələbə qazanmaq sadəcə mümkün deyil". 

Ağarza Elçinoğlu