Rusiya prezidenti Vladimir Putin mətbuat konfransında Almaniyanın keçmiş kansleri Angela Merkeldən yenidən üzr istəyib və onun Soçiyə səfəri zamanı labrador Konni ilə qəsdən qorxutduğuna dair iddialarını təkzib edib.

"Unikal" Rusiya mediasına istinadən xəbər verir ki, Putin Merkelə müraciətində deyib:

“Angela, lütfən, məni bağışla, mən sənə ürəyimi ağrıtmaq istəmədim... Bilsəydim, bunu heç vaxt etməzdim, əksinə, xoş bir atmosfer yaratmaq istədim.  Almaniyada heyvanlarla rəftar yaxşıdır. Bunu biləndə ondan üzr istədim”.

Merkel öz xatirələrində Vladimir Putinlə danışıqlar zamanı qara labrador Konninin meydana çıxması ilə bağlı hisslərini bölüşüb. Keçmiş kansler itlərdən qorxur. Bu qorxuya səbəb isə kansleri Ukermarkdakı yarmarkada it dişləməsi olub.