Bakıda bağ evində güllələnmə hadisəsi baş verib.
Unikal.org Daxili İşlər Nazirliyinin saytına istinadən xəbər verir ki, hadisə sentyabrın 10-da Sabunçu rayonu ərazisində baş verib. Bakı şəhər sakini Vidadi Quliyev Lənkəran rayon sakini Elşad Kazımovun Sabunçu rayonunun Ləhiş bağlar sahəsindəki kirayədə yaşadığı evinə girib odlu silahdan ona qarın və əl nahiyələrindən xəsarət yetirib. E.Kazımov xəstəxanaya yerləşdirilib.
Sabunçu RPİ 42-ci PB əməkdaşlarının həyata keçirdikləri əməliyyat-axtarış tədbirləri nəticəsində V.Quliyev tutulub.
Hadisə yerinə baxış zamanı, oradan "Makarov markalı tapança, patron darağı, 2 ədəd patron və 4 ədəd giliz aşkar edilərək götürülüb.
