Qazaxıstanın Almatı şəhərində keçirilən cüdo üzrə Qran-Pri turniri Azərbaycan milli komandası üçün uğurlu olub. Cüdo Federasiyasından Unikal.org-a verilən xəbərə görə, yığmamız beynəlxalq yarışda 3 medal qazanıb.
 100 kq çəki dərəcəsində mübarizə aparan Elxan Məmmədov bütün rəqiblərinə qalib gələrək Qran-Prinin qızıl medalına sahib olub. Ağır çəkidə yarışan Uşangi Kokauri yalnız finalda uduzaraq, gümüş medal qazanıb.
 Daha bir cüdoçumuz Məhəmmədəli Mehdiyev (90 kq) yarışı bürünc medalla başa vurub. Hər üç idmançımız bu uğurlarla Rio olimpiadasına vəsiqə qazanmaq şanslarını yüksəldiblər.