Bir neçə gündür sosial şəkəkələrdə Naxçıvan şəhər 15 nömrəli məktəbdə təhsil alan 3-cü sinif şagirdinin döyüldüyü iddiası ilə foto yayılır. Valideynlər iddia edirlər ki, şagird Cahangir Hacıyevi ibtidai sinif müəlliməsi Ruhiyyə Əliyeva vurub.
"Mən müəllimimi çox istəyirəm, məni o vurmayıb"
Unikal.org bildirir ki, məsələ ilə bağlı anspress "döyülmədə" adı hallanan müəllimə, eləcə də "döyülən" şagirdlə danışıb. Ruhiyyə müəllimə 17 illik iş təcrübəsində heç vaxt bir şagirdə belə əl qaldırmadığını bildirdi:
"Mən Cahangiri çox istəyirəm. O, mənim əlaçı şagirdimdir. Onu necə vura bilərəm? Sadəcə uşaq çox hiperaktivdir, bir yedə dayanmır. Həmin gün də şkaflardan birinin şüşəsi sınmışdı, Cahangir də qaçanda yıxıldı və şüşə uşağın üzünü çızdı. Özüm də çox qorxdum. Onu tez tibb otağına apardım, həkimlər yaralarını dərmanladılar".
Müəllim ilə danışdığımız vaxt şagirdin indi də həmin sinifdə oxuyub-oxumadığını xəbər aldıq. Məlum oldu ki, şagird həmin sinifdən çıxarılmayıb. Valideynlər isə hadisədən xəbər tutan kimi əsəbi olduqları üçün əvvəlcə müəllimə uşaqlarının onun tərəfindən döyüldüyünü desələr də, sonradan uşaq özü də yıxıldığını etiraf edib. Bundan sonra valideynlər müəllimdən üzür istəyiblər.
Balaca Cahangir bizə də müəllimi tərəfindən döyülmədiyini və qaçaraq şüşə üzərinə yıxıldığını bildirdi:
"Məni müəllimim döyməyib. Mən onu çox istəyirəm. O, heç kimin üstünə qışqırmır, vurmur. Anamgili bilməyiblər mən yıxılmışam, ona görə elə deyiblər", - deyə şagird etiraf etdi.
Bu ilin yanvar ayında da sosial şəbəkədə azyaşlı şagirdin döyülməsi ilə bağlı video yayılmışdı. Həmin döyülmə faktı Abşeron rayonu, Xırdalan şəhəri 9 nömrəli məktəbdə qeydə alınmışdı.
Məktəbdə ibtidai sinif müəllimi dərs başa saldığı qız şagirdin başına zərbə endirir. Daha sonra onu təhqir edərək yerinə oturmasını deyir. Müəllimə heç bir cavab verməyən balaca qız sakitcə parta arxasına keçir. Həmin hadisəni kənardan şagirdlərdən biri videoya çəkib.
Məsələni Təhsil Nazirliyi də araşdırıb, məktəbin direktoruna xəbərdarlıq olunub, müəllim isə töhmət alıb. Həmin videonu sizə təqdim edirik:
