"Maraqlı oyun keçdi. Hər iki komanda özünü yaxşı tərəfdən göstərdi"

Unikal.org xəbər verir ki, bunu "Qarabağ" klubunun baş məşqçisi Qurban Qurbanov "Neftçi" ilə oyundan sonra açıqlamasında deyib. 

"Qarşıdakı oyunlar bizim üçün daha ağır olacaq. Adi bir səhv qolla nəticələndi. Rəqib komanda müdafiədə daha diqqətli oldu. Epizodlardan istifadə edə bilmədik", - deyə Qurbanov söyləyib. 

Qeyd edək ki, bu gün Azərbaycan Premyer Liqasında 15-ci turun son oyununda "Qarabağ" komandası paytaxt təmsilçisi "Neftçi" ilə qarşılaşıb. Görüş 1:1 hesabı ilə başa çatıb.