Hazırda Almaniyada yaşayan Yuliya Günter daha çox "İlan-qız" və ya "Sümüksüz qız" kimi tanınır.
Unikal.org xarici KİV-əistinadən xəbər verir ki, əslən rusiyalı olan Yuliya Günter Almaniyada bu hərəkətlərinə görə məşhurdur. İki dəfə Ginnesin rekordlar kitabına düşən Günter bunu ayaqları ilə heç kimin bacarmadığı sürətlə butulka açmaq və kürək sümüklərinin köməyi ilə 3 şar partlatmaq məharəti ilə bacarıb. Çətinliklərin öhdəsindən gündə 3-4 saatlıq məşqlərin sayəsində gəldiyini söyləyən xanım 175 santimetr boya malikdi. Hərçənd tərəfləri 50 santimetr olan quruya rahatlıqla girərək daha bir rekord müəyyənləşdirməyə də imkan tapıb.
Belə ki, 4 yaşında vətərlərində olan nadir xəstəlik üzündən inanılmaz dərəcədə elastik və plastikalı olduğu aşkarlanan qız sonradan məharətini inkişaf etdirməyə başlayıb. 10 yaşında ilk dəfə sirk səhnəsinə çıxıb. 16 yaşından isə o, yaxşı qazanc və peşəkar inkişaf ardınca qərbə köçməyə qərar verib. Zlata ləqəbi ilə Almaniyada müxtəlif şoular göstərən idmançı çox keçmədən istədiyinə nail olub.
İndi müxtəlif reklam şirkətləri ilə əməkdaşlıq edən, filmlərə çəkilən Yuliya karyerasının zirvəsindədi.
