Cəlilabad rayonunda yük avtomobilinin yerüstü keçidə çırpılması qəzasının bəzi təfərrüatları məlum olub.
"Unikal"ın məlumatına görə, hadisə Cəlilabad şəhəri Heydər Əliyev prospektində qeydə alınıb.
Belə ki, qəza zamanı evakuator üzərində olan kənd təsərrüfatı texnikası yerüstü piyada keçidinin yuxarı hissəsinə çırpılaraq, onu sıradan çıxarıb.
Hadisə zamanı xəsarət alan olmayıb. Hazırda yolda birtərəfli hərəkət təşkil olunub. Hadisənin nəticələrini aradan qaldırmaq üçün olay yerinə polis və Fövqəladə Hallar Nazirliyinin əməkdaşları cəlb olunub.
Qeyd edək ki, keçid bu ilin aprel ayında istifadəyə verilib və Cəlilabadın ilk yerüstü keçididir.
Faktla bağlı araşdırma aparılır.
Xəlil Əliyev
XXX
20:24
Cəlilabad rayonunda yük avtomobili yerüstü keçidə çırpılıb.
"Unikal"ın məlumatına görə, hadisə Cəlilabad şəhərində Heydəe Əliyev prospektində qeydə alınıb.
Belə ki, qəza zamanı yük avtomobili yerüstü piyada keçidinin yuxarı hissəsinə çırpılıb. Nəticədə keçid sıradan çıxıb.
Hadisə zamanı xəsarət alanların olub-olmaması dəqiqləşdirilir.
Faktla bağlı araşdırma aparılır.
Xəlil Əliyev
