Biləsuvarda qətl törədilib.

Unikal.org apa-ya istinadən məlumatına görə, rayonun Muğan adlanan Obalıq ərazisində əslən Yardımlı rayonunun Alar kəndindən olan 28 yaşlı Nabil İlham oğlu Rəhmanov sübh tezdən mal-qarasını otarmaq üçün evdən çıxıb. 

Günorta saatlarında onun evə qayıtmadığını görən yaxınları Nabilin axtarışına başlayıblar. Nabilin meyiti qonşuluqda yaşayan başqa bir çobanın həyətində tapılıb.

Hadisə yerinə dərhal rayonun hüquq-mühafizə orqanları cəlb edilib. N. Rəhmanovun meyiti Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Cəlilabad rayon şöbəsində müayinə olunduqdan sonra ailəsinə təhvil verilib.

Mərhumun atasının qənaətincə, oğlunu həmkəndliləri bıçaqlayaraq qətlə yetirib. Kənd sakinləri Fəqan Orucəliyevlə onun bacısı Dilarə Orucəliyeva şübhəli şəxs qismində polis tərəfindən saxlanılaraq istintaqa cəlb olunub.

Faktla bağlı Biləsuvar Rayon Prokurorluğunda cinayət işi başlanıb, araşdırmalar davam etdirilir.

Unikal.org report-a istinadən məlumatına görə, Biləsuvar rayonunda çoban həmkarının övladları tərəfindən qətlə yetrilib.

Mərhumun atasının sözlərinə görə, Nabil həmkəndliləri Fəqan, Xosrov, Sarvan Orucəliyevlər və onların bacısı Dilarə Orucəliyeva tərəfindən bıçaqlanaraq qətlə yetrlib. Hazırda Fəqan Orucəliyev və Dilarə Orucəliya polis tərəfindən saxlanılıb.

Faktla bağlı Biləsuvar Rayon Prokurorluğunda cinayət işi başlanıb, istintaq araşdırmaları aparılır.