Qətər tarixində ilk dəfə ev sahibliyi edəcəyi 2022-ci il dünya çempionatına ciddi hazırlaşır.

Unikal.org goal.az-a istinadən xəbər verir ki, ölkənin maliyyə naziri Əli Şərif əl-İmadi mundialla bağlı iri layihələrə həftədə 500 milyon dollar xərclədiklərini açıqlayıb. 

Əl-İmadi yaxın 3-4 ildə bu işlərin davam edəcəyini bildirib. Söhbət təkcə idman qurğularından getmir. Dövlət eyni zamanda avtomobil yolları, dəmiyol xətləri, dəniz portları, xəstəxanalar və hava limanlarına da investisiya yatırır. Dünya çempionatına hazırlıq çərçivəsində 200 milyard dolların sərf olunması gözlənilir.