Kürdəmir rayonunda fərdi yaşayış evi yanıb.

Unikal.org "Report"a istinadən xəbər verir ki, hadisə bu gün 12 radələrində rayonun Atakişili kəndində qeydə alınıb.

Kənd sakini Vilayət Bəhrəm oğlu Zeynalova məxsus ikimərtəbəli 4 otaq və mətbəxdən ibarət ev anidən alışıb.

Hadisə yerinə FHN-in 2 maşını və 12 nəfər şəxsi heyəti cəlb olunub.

Ümumi sahəsi 200 kvm olan evin bir hissəsi yanaraq külə dönüb. Yanğının digər sahələrə keçməsinin qarşısı alınıb.

Faktla bağlı araşdırma aparılır.