05.09.2025-ci il tarixində saat 05:50 radələrində 2 nəfər (1 qadın, 1 kişi cinsli) Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Təcili tibbi yadım şöbəsinə hospitalizasiya olunub. 

TƏBİB-dən "Unikal"a verilən məlumata görə, tüstüdən zəhərlənmə diaqnozu təyin edilən pasiyentlərə zəruri tibbi xidmətlər göstərilib.

Vəziyyətləri qənaətbəxş qiymətləndirilən şəxslər ambulator müalicə üçün evə buraxılıblar.

*** 09:00

Gəncədə 4 otaqlı ev yanıb.

"Unikal"ın məlumatına görə, hadisə şəhərin G.Zeynalov küçəsində baş verib.

Vətəndaşa məxsus evdə anidən yanğın olub. Hadisə yerinə FHN-nin yanğınsöndürən avtomobilləri və canlı qüvvəsi cəlb edilib. Yanğın zamanı 300 kv/metr olan evin 130 kv/metri əşyaları ilə birlikdə yanıb.

Yanğın söndürülüb, evin qalan hissəsi və yaxınlıqda olan evlər yanğından mühafizə edilib. Yanğın zamanı 1955-ci il təvəllüdlü Ə.Məmmədov və onun həyat yoldaşı 1957-ci il təvəllüdlü V.Məmmədova tüstüdən zəhərləniblər. Zəhərlənən şəxslər xəstəxanaya yerləşdirilib.

Dərhal onlara yardım edilib, vəziyyətlərinin orta ağır olduğu bildirilir. Hadisə ilə bağlı araşdırma aparılır.

Tural Əhmədov