Gənclər və İdman Nazirliyi tərəfindən 27 iyul-5 avqust tarixlərində Ermənistanla təmas xəttində və cəbhə bölgələrində yerləşən rayonlarda yaşayan uşaq və gənclər üçün Respublika Uşaq İstirahət və Sağlamlıq Mərkəzində yay istirahət düşərgəsi təşkil edilir.

GİN-in mətbuat xidmətindən Unikal.org-a verilən məlumata görə, düşərgə çərçisəvində iştirakçılar üçün şən və əyləncləli oyunların, üzgüçülük, intellektual oyunların, qrup yarışlarının, stolüsü və kompyuter oyunlarının təşkili, tarixi və mədəni yerlərə ekskursiyaların edilməsi nəzərdə tutulur. Düşərgədə Qazax, Ağstafa, Tovuz, Gədəbəy, Daşkəsən, Göygöl, Goranboy, Füzuli, Ağdam, Tərtər, Xocavənd rayonlarından 100-dən artıq uşaq və gəncin yay istirahəti səmərəli təşkil edilir. İştirakçılar burada asudə vaxtlarını səmərəli təşkil etməklə yanaşı, bir biriləri ilə yaxından tanış olmaq imkanı əldə edirlər.