Bu gün paytaxtın Nobel prospektində ağır yol-nəqliyyat hadisəsi baş verib.

Unikal.org-un məlumatına görə, "Kia Optima" markalı avtomobilin sürücüsü idarəetməni itirib və ilk öncə yolun sağ kənarında yerləşən maneələrə, daha sonra isə "Daewoo Nexia" markalı maşına çırpılıb. O, həmçinin toqquşduğu avtomobilin yaxınlığında hərəkət edən piyadanı da vurub.

Qəza nəticəsində "Daewoo Nexia" alışaraq yanmağa başlayıb. Yanğın ərazidə olan şəxslərin köməyilə söndürülüb.

Hər iki avtomobilə ciddi ziyan dəyib, xəsarət alanlar var.

Qəzanın görüntülərini təqdim edirik:

Murad İbrahimli