Türkiyənin Manisa əyalətində fabrik işçilərini daşıyan avtobus yük maşını ilə toqquşub.

"Unikal" xəbər verir ki, hadisə Turqutlu rayonunda baş verib.

Qəza zamanı azı 1 nəfər ölüb, 30 nəfər isə yaralanıb. Yaralılardan 7-nin vəziyyəti ağır qiymətləndirilir.

Hadisə yerinə təcili yardım briqadaları və xilasedicilər cəlb olunub. Yaralılar xəstəxanaya yerləşdirilib. Qəzanın səbəbi hələlik açıqlanmayıb.

Faktla əlaqədar araşdırma aparılır.