Rusiya “İsgəndər-M” raket komplekslərini Xerson vilayəti ilə inzibati sərhədə yaxın ərazidə yerləşdirib.

"Unikal" xəbər verir ki, bu barədə Ukrayna Müdafiə Nazirliyinin mətbuat katibi Aleksandr Motuzyanik brifinqdə bildirib.
Onun sözlərinə görə, işğal olunmuş Krım ərazisindən düşmənin raket zərbələri endirmək təhlükəsi qalmaqdadır.

Motuzyanik Xerson vilayəti ilə inzibati sərhəddən 8 km məsafədə yerləşən Melkovodnoe yaşayış məntəqəsi ərazisində işğalçıların “İsgəndər-M” Operativ Taktiki Raket Komplekslərinin raket diviziyasını yerləşdirdiyi barədə dəqiq məlumat əldə edib.

O xatırladıb ki, düşmən gəmiləri Qara dənizin şimal-qərb hissəsində gəmiçiliyin qarşısını almaqda davam edir. Xüsusilə düşmənin 4 raket gəmisi və təxminən 36 raketdən ibarət sualtı qayığı Qara dənizdə raket silahlarından istifadəyə hazır vəziyyətdədir.