Bu gün Bolqarıstanda Xalq Məclisinə (birpalatalı parlament) deputatların erkən seçkiləri başlayıb.

"Unikal" xəbər verir ki, yerli vaxtla səhər saat 07:00-da ölkə üzrə 12 minə yaxın seçki məntəqəsi açılıb ki, onların əksəriyyəti xüsusi maşınlar vasitəsilə səsvermə keçirəcək, dünyanın 62 ölkəsində daha 755 məntəqə fəaliyyət göstərəcək.
Növbədənkənar parlament seçkilərində 22 partiya və altı koalisiyanın nümayəndəsi iştirak edir. 240 deputat yeri uğrunda 6500-dən çox namizəd mübarizə aparır.

Seçkilərin gedişini 4 minə yaxın müşahidəçi izləyəcək. Səsvermənin ilk qeyri-rəsmi nəticələri saat 20:00-da məntəqələr bağlandıqdan sonra məlum olacaq.