Ermənistan Kollektiv Təhlükəsizlik Müqaviləsi Təşkilatının (KTMT) baş katibinin müavininə kvotadan imtina ilə bağlı bəyanat təqdim edib.
"Unikal" xəbər verir ki, bu barədə Ermənistan Xarici İşlər Nazirliyinin sözçüsü Vaan Unanyan bildirib.
“Bəli, biz KTMT-yə müvafiq təklif vermişik”, - deyə Ermənistan XİN-in nümayəndəsi bildirib.
Bundan əvvəl Ermənistanın Gümrü şəhərində 102-ci Rusiya hərbi bazasının yaxınlığında aksiya keçirildiyi bildirilirdi. Gələnlər iddia edirdilər ki, Rusiya Ermənistanı Dağlıq Qarabağla birləşdirən Laçın dəhlizindəki böhranın həllində qeyri-aktivdir.
Yanvarda Ermənistanın baş naziri Nikol Paşinyan KTMT-nin sülhməramlı missiyasının Qarabağ münaqişəsi zonasına gətirilməsi ideyasının demək olar ki, real olmadığını bəyan edib . O, Ermənistan hakimiyyətinin təşkilatın bəzi ölkələrinin obyektivliyinə şübhə etdiyini vurğulayıb. O qeyd edib ki, KTMT-yə üzv olan bir çox dövlətlər Azərbaycana yaxındır .
Daha sonra Paşinyan KTMT-nin Ermənistan ərazisindəki məsuliyyət sahəsini dəqiqləşdirməyi xahiş edib .
