Trampın işi üzrə növbəti məhkəmə iclası dekabrın 4-nə təyin edilib.

"Unikal" xəbər verir ki, Trampın işinə mahiyyəti üzrə baxılması 2024-cü ilin yanvarında başlaya bilər - France-Presse.

23:36

ABŞ-ın keçmiş prezidenti Donald Trampın qiyabi həbs qərarı ləğv edilib.

"Unikal" xəbər verir ki, bu barədə CNN məlumat yayıb.

Qeyd edilir ki, Tramp ittiham olunduğu məhkəmə binasını tərk edib.

Daha əvvəl Trampın qiyabi həbs olunduğu xəbər verilib. Bildirilirdi ki, həbs ona qarşı ittiham irəli sürülənədək davam edəcək.

23:00

"Manhetten məhkəmə binasına doğru gedirik".

"Unikal" xəbər verir ki, bunu ABŞ-ın sabiq prezidenti Donald Tramp özünün "Truth" sosial şəbəkəsində yazıb.

"Məni həbs edəcəklər. Mən Amerikada bunun baş verdiyinə inana bilmirəm”, - keçmiş prezident vurğulayıb.

Qeyd edək ki, bu gün yerli məhkəmə ABŞ-ın sabiq prezidenti Donald Trampın qiyabi həbsinə qərar verib. Bu qərar onun həbsxanaya salınması demək deyil. Təqsirləndirilən şəxs yalnız ittiham irəli sürülən zaman həbsdə qalır.

xxx

21:35

ABŞ-ın sabiq prezidenti Donald Tramp formal olaraq həbs edilib.

"Unikal" xəbər verir ki, bu barədə CNN məlumat yayıb.

Bildirilib ki, eks-prezident hazırda məhkəmədə ittiham aktının elan olunmasını gözləyir.

Qeyd edək ki, martın 30-da Nyu York məhkəməsi Donald Trampın 2016-cı il prezident seçkiləri kampaniyası zamanı o, porno aktrisa Stormi Danielsə aralarındakı münasibətlərini gizlətmək üçün seçki fondundan 130 min dollar ödəyib. ABŞ-ın keçmiş prezidenti qərarı “siyasi təqib” hesab edir.