Türkiyə həftənin ilk günü şəhid xəbəri ilə sarsılıb. İspartanın Keçiborlu rayonunda hərbi helikopter qəzaya uğrayıb.
"Unikal" xəbər verir ki, ümumilikdə 6 hərbçinin həlak olduğu helikopterin daha əvvəl də qəzaya uğradığı ortaya çıxıb.
Belə ki, 1956-cı il ABŞ istehsalı olan UH-1 helikopteri 2019-cu il fevralın 12-də İstanbulun Sancaktəpə səmtində qəzaya uğrayıb. Qəsəbəyə düşən helikopterdə olan 4 əsgər şəhid olub.
Bir çox ölkə tərəfindən istifadə edilən və Vyetnam müharibəsinin simvolu olan UH-1-lər axtarış-xilasetmə, nəqliyyat və pilot təhsili missiyalarında istifadə edilmək üçün hazırlanıb.
