Ölkənin aparıcı banklarından olan "Expressbank", Azərbaycan Banklar Assosiasiyası (ABA) tərəfindən keçirilən ənənəvi tədbirdə mükafatlandırılıb.

"Unikal" xəbər verir ki, Bank fəaliyyət göstərdiyi sosial və strateji istiqamətlər üzrə 4 fərqli nominasiyada təltif olunub.

Nominasiyalar aşağıdakı sahələri əhatə edib:
- Korporativ Sosial Məsuliyyət
- Maliyyə Savadlılığı Dəstəkçisi
- Təhsil Dəstəkçisi
- Dayanıqlı Bankçılıq üzrə layihələr

Bank bu və digər sahələrdəki fəaliyyətinə ciddi önəm verir və daha genişmiqyaslı layihələri həyata keçirməyi planlaşdırır.

Qeyd edək ki, "Expressbank"ın fəaliyyəti ötən illərdə də Azərbaycan Banklar Assosiasiyası tərəfindən müxtəlif istiqamətlər üzrə müsbət qiymətləndirilib və müvafiq nominasiyalar üzrə mükafatlara layiq görülüb.