Yunanıstan Sahil Mühafizəsi Bozcaadada azərbaycanlıların olduğu "Ro-Ro" gəmisinə atəş açıb.

"Unikal" bu barədə "Haber Global"a istinadən xəbər verir.

Komor adaları bayrağı altında Çanaqqala sahillərində üzən "Anatolian" adlı Ro-ro gəmisinə atəş açan Yunanıstan qüvvələri Türkiyə Sahil Mühafizəsinin gəldiyi zaman ərazini tərk edib.

Beynəlxalq hüquq normalarına məhəl qoyulmadan açılan təqib atəşindən sonra gəmidə olan 18 nəfərlik heyət arasında hər hansı itki və yaralananın olmadığı müəyyən edilib.

Heyətdə 6 Misir, 4 Somali, 5 Azərbaycan və 3 Türkiyə vətəndaşı olub.

Hazırda gəmi Türkiyənin iki Sahil Mühafizə gəmisi tərəfindən müşayiət olunur.