Times jurnalı iranlı Məhsa Əmininin ölümündən sonra küçələrə çıxan İranda qadınları ilin qəhrəmanları adlandırıb .

"Unikal" xəbər verir ki, jurnal yazır ki, İran qızlarının üsyanının regional və daha geniş əks-sədaları bundan böyük ola bilməzdi.

Bundan əvvəl beynəlxalq insan haqları təşkilatları İranın etiraz edən əhalini qorxutmaq üçün ölüm hökmündən istifadə etməsindən şübhələnirdilər . 

2022-ci il dekabrın 5-də İran məhkəməsi Kərəcdə polisin müavini Ruhullah Adamianın ölümü ilə bağlı beş nümayişçini ölüm cəzasına məhkum edib. Ümumilikdə edama məhkum edilənlərin sayı 11 nəfərə çatıb.

Böyük Britaniyanın Amnesty International təşkilatı da nümayişlərdə iştirak etdiyinə görə həbs edilən ən azı 28 nəfərin edam olunma riski ilə bağlı məlumat təqdim edib.

İnsan haqları təşkilatlarının məlumatına görə, 2022-ci ildə ölkədə 500-dən çox insan edam edilib. Bu, bir il əvvəl edam edilənlərin sayından 200 nəfər çoxdur.

Gültəkin Ələsgər