Qazprom”un idarə heyətinin sədri Aleksey Miller və Türkiyə lideri Rəcəb Tayyib Ərdoğan Rusiyadan “mavi yanacağın” idxalını və Türkiyədə qaz qovşağının təşkili perspektivlərini müzakirə ediblər.

"Unikal" xəbər verir ki, bu barədə yerli şirkətin Telegram-dakı nəşrində deyilir.

“Görüşdə Rusiya qazının türk istehlakçılarına tədarükü ilə bağlı məsələlər, o cümlədən Türkiyədə qaz qovşağının yaradılması perspektivləri müzakirə edilib”, - məlumatda deyilir.

Bloomberg-in məlumatına görə, Türkiyə və Rusiya nümayəndələri cümə günü Ankarada idxal olunan Rusiya qazına 25%-dən çox endirim əldə etmək imkanını müzakirə etməyi planlaşdırıblar. Keçən ay agentliyin verdiyi xəbərə görə, Türkiyə yüksək enerji qiymətlərinin iqtisadi zərərini azaltmaq üçün Rusiyadan Ankaranın təbii qaz ödənişlərinin bir hissəsini 2024-cü ilə qədər təxirə salmasını istəyib.

Qaz qovşağına gəlincə, Rusiya və Türkiyə prezidentləri Vladimir Putin və Tayyib Ərdoğan əvvəllər onun Türkiyədə yaradılması məsələsini ətraflı və tez bir zamanda işləyib hazırlamaq tapşırıblar. Bu qovşaq vasitəsilə, xüsusən də Rusiya Federasiyası Şimal axınından Qara dəniz regionuna və Türkiyəyə qaz tranzitini daşıya bilər. Ərdoğan hesab edir ki, Avropa Rusiya qazını Türkiyə vasitəsilə ala bilər.

Gültəkin Ələsgər