İrəvan Ümumi Yurisdiksiya Məhkəməsi Xocalı soyqırımının törədilməsində iştirak etmiş erməni general Manvel Qriqoryanın və onun həyat yoldaşı Nazik Amiryanın pul vəsaitlərinin və əmlakının müsadirə edilməsi barədə qərar qəbul edib.

"Unikal" erməni mediasına istinadən xəbər verir ki, məhkəmə onları Cinayət Məcəlləsinin bir neçə maddəsi ilə təqsirli bilib.

O cümlədən, Qriqoryana məxsus təxminən 1,8 milyard dram (4,5 milyon dollar), 8 avtomobil büdcənin xeyrinə müsadirə olunacaq. Həmçinin, 8 min ədəd "Əsgər payı", geyim və dərmanlar "Yerkrapa" Könüllülər İttifaqına təhvil veriləcək.

Bir neçə min silah və sursat Müdafiə Nazirliyinə veriləcək.

Vaqarşapatdakı yanacaqdoldurma məntəqəsi iş üzrə zərərçəkmiş Q.Torosyana qaytarılacaq.

Nazik Amiryanın hesablarından 101 milyon dramdan çox pul müsadirə olunacaq, hesablarının özü, daşınar və daşınmaz əmlakı onun tərəfindən məhkəmə qərarı çıxana qədər həbsdə qalacaq.

Qeyd edək ki, Qriqoryan 2020-ci ildə ölüb.

Nuranə Abbasova