Avqustun 30-da saat 01:00 radələrində Göygöl rayonunun Balcılı kənd sakinləri 1961-ci il təvəllüdlü 1 nəfər (qadın cinsli) və 3 azyaşlı (2 qadın cinsli, 1 kişi cinsli olmaqla) dəqiqləşdirilməmiş dərman zəhərlənməsi diaqnozu ilə Göygöl Rayon Mərkəzi Xəstəxanasının Təcili tibbi yardım bölməsinə müraciət edib.

Bu barədə "Unikal"a TƏBİB-dən bildirilib.

Məlumata görə, onlardan biri, 2014-cü il təvəllüdlü uşağın (qadın cinsli) həkiməqədər ölüm faktı qeydə alınıb.

Digər iki uşaq zəruri tibbi yardımlar göstərildikdən sonra ixtisaslı həkim müayinəsi üçün Gəncə Şəhər Birləşmiş Xəstəxanasının nəzdində fəaliyyət göstərən Uşaq Xəstəxanasına hospitalizasiya olunub. Onlardan birinin vəziyyəti ağır, digəri orta ağır qiymətləndirilir.

İlkin zəruri tibbi yardımdan sonra Abbas Səhhət adına Xəstəxanaya hospitalizasiya olunan ananın vəziyyəti isə hazırda orta ağır qiymətləndirilir.

*** 14:39

Gəncədə bit dərmanından zəhərlənənlərin adları məlum olub.

"Unikal"ın bölgə müxbiri xəbər verir ki, onlar nənə 1961-ci il təvəllüdlü Mətanət Qasımova, 2018-ci il təvəllüldü Qasımzadə Fidan Ceyhun qızı, 2014 cü il təvəllüdlü-Sümuzər Vəliyeva, Ölən 2014-cü il təvəllüdlü Aydan Orucovadır

***13:51

Göygöldə 4 nəfər dərmandan zəhərlənib.

"Unikal"ın bölgə müxbiri xəbər verir ki, hadisə rayonun Balçılı kəndində qeydə alınıb. Kənd sakinlərindən 3-ü azyaşlı, biri isə orta yaşlı olmaqla 4 nəfər "Niastol" adlı dərmandan zəhərləniblər.

Zəhərlənənlərdən olan azyaşlı qız ölüb.

Hadisənin baş vermə səbəbləri araşdırılır.

Tuarl Əhmədov